«Islam memleketiniń» sodyrlary Palmıranyń amfıteatrynda 25 adamdy atyp tastady
ASTANA. QazAqparat - Palmıranyń amfıteatrynda «Islam memleketiniń» sodyrlary 25 tutqyndaǵy sarbazdardy atyp tastady. Internet arqyly taratylǵan kisi óltirý beınejazbasynda qanisherlerdiń arasynda 13-14 jasar jasóspirimder bolǵany tirkelgen. Bul týraly senbi kúni, 4 shildede Bı-bı-sı habarlady.
«Islam memleketiniń» jıhadshylary ınternetke beınejazba ornalastyrdy, onda sodyrlar ejelgi Palmıra qalasynyń úıindilerinde 25 adamdy qalaı atyp jatqany kórsetilgen, sodyrlar osy aptada qaladaǵy músinderdi qıratqan bolatyn.
Beınejazba kadrlarynda keıbir qanisherlerdiń 13-14 jastar shamasynda ekendigi kórinedi.
Jazba «Islam memleketimen» baılanysty emes akkaýntta alǵash ret paıda boldy.
Beınerolıkte sondaı-aq kisi óltirýdi qarap turǵan birneshe júzdegen azamattyq kıim kıngen adamdar bar, olardyń arasynda kishkentaı bala da júr. Mamyr aıynda jıhadshylar ejelgi qalanyń úıindilerin basyp alǵannan keıin Palmırada 20 adamdy atyp tastaǵan bolatyn.
Osy aptada Sırııanyń soltústiginde ıslamshylar jasaqtary Aleppo qalasyn úkimettik kúshterden túpkilikti alý úshin órshilene shabýyldy bastady.
Sırııadaǵy azamat soǵysynyń tórt jylynda 230 myń adam qazaǵa ushyrady.
