«Islam memleketiniń» sodyrlary qúrdter jasaǵynyń tórt múshesin óltirdi
ÁBÝ-DABI. QazAqparat - «Islam memleketiniń» sodyrlary kúrdterdiń Iraktaǵy «Peshmerga» jasaǵynyń tórt múshesin azaptap óltirip, bul soıqan túsirilgen vıdeony áleýmettik jelilerge saldy.
Arabtyń «Ál Arabııa» arnasynyń habarlaýynsha, ekstremıster uıymdastyrǵan kezekti qastandyqpen óltirý AQSh arnaıy jasaǵy men kúrd kúshteriniń taıaýda ótkizgen reıdine jaýap retindegi «jazalaý aktisi» boldy. Ótken aptada odaqtastar Irakta arnaıy is-qımyldar júrgizip, sonyń nátıjesinde «Islam memleketiniń» túrmesinen 70-ke jýyq adamdy bosata aldy.
Ekstremıster túsirgen beınede sodyrlardyń «Peshmerga» qozǵalysynyń ókilderi bolyp tabylatyn tórt er adamnyń basyn pyshaqpen keskeni kórsetilgen. Qurbandar sarǵylt tústi kombınezondar kıgen. Ólim jazasy belgisiz jerde ótkizildi.
«Islam memleketi» Irak pen Sırııadaǵy iri aýmaqtardy baqylaýynan shyǵarmaı, olardy «halıfat» dep jarııalady. Óz kezeginde, amerıkandyq koalıtsııa 2014 jyldyń tamyzynda sodyrlarǵa áýeden soqqy jasap, Irak áskeri men kúrd qurylymdaryna qoldaý tanytty.
