«Islam memleketiniń» sodyrlary 16 adamdy tirideı órtep jiberdi
ASTANA. QazAqparat - «Islam memleketiniń» sodyrlary Mosýl qalasynda (Iraktyń soltústigi, Baǵdadtan 400 shaqyrym jerde) 16 adamdy tirileı órtep jiberdi, dep habarlady RBK Press TV-ge silteme jasap.
Jergilikti ókildiń habarlaýynsha, kisi óltirý ótken juma kúni bolǵan. Adamdarǵa «Islam memleketiniń kóshbasshysy ál-Baǵdadıge adaldyqqa ant berýden bas tartqany úshin ólimge úkim shyǵaryldy.
Telearnanyń atap ótýinshe, jergilikti BAQ Mosýldy «ashyq aspan astyndaǵy úlken túrme» dep beıneleıdi, onda turǵyndar ártúrli azaptar men qaıǵy-qasiretke tartylady.
Sol kúni Hıt qalasynda (Baǵdadtan 140 shaqyrym jerde) úsh jergilikti turǵyn ıraktyq qaýipsizdik kúshterimen yntymaqtastyqqa aıyptalyp, óltirildi.
Aqpannyń basynda ıslam lańkesteri olarǵa tutqynǵa túsken ıordan ushqyshyn tirideı órtep jiberdi. Óltirý úderisi kórsetilgen beınekadrlar ıslamshylardyń medıaresýrstarynda taratyldy.
