«Islam memleketiniń» Iraktaǵy lańkesteri bes adamnan turatyn otbasyny tirideı órtep jiberdi
ASTANA. QazAqparat - «Islam memleketi» tobynyń lańkesteri sodyrlar basyp alǵan aýmaqtan qashyp ketpek bolǵan jeti adamnan turatyn otbasyny tirideı órtep jiberdi. Bul týraly Irannyń Press TV telearnasyna siltememen TASS.
«IM tobynyń lańkesteri sodyrlar basyp alǵan aýmaqtan qashyp ketýge árekettengen bes adamnan turatyn otbasyny tirideı órtep jiberdi. Arasynda úsh bala bolǵan olardy seısenbi kúni Iraktyń soltústigindegi Kırkýk qalasynyń Rııad aýdanynda, jurttyń kóz aldynda órtep jibergen», - delingen telearnanyń habarlamasynda.
IM azamattyq turǵyndarǵa toptyń baqylaýyndaǵy aýdandardan ketýge tyıym saldy. Sodyrlar Irak áskeri men qaýipsizdik kúshteriniń shabýyl operatsııasy jaǵdaıynda bul adamdardy tiri qalqan retinde paıdalanbaq.
Sondaı-aq 10 mamyrda lańkesterdiń Mosýldan ońtústikke qaraı ornalasqan Kaıar qalasynyń mańynda mamyr aıynyń basynda urys alańynan qashyp ketken 35 sodyrdy tirideı kómip tastaǵany týraly habarlanyp otyr. Sol kezde IM Iraktyń soltústigindegi Bashır aýylyn qadaǵalaýynan jiberip alǵan.
