«Islam memleketiniń» 4 myńnan astam sodyry Eýropaǵa bosqyn retinde ótip ketti
ASTANA. QazAqparat - «Islam memleketi» lańkestik uıymynyń tórt myńnan astam sodyry Eýropalyq odaq elderine bosqyn retinde ótip ketti, dep habarlady Sunday Express gazetine osy toptaǵy derekkóz. Onyń aıtýynsha, sodyrlardy ótkizý operatsııasy oıdaǵydaı ótken.
Derekkózdiń aıtýynsha, sodyrlar túriktiń Іzmir jáne Mersın qalalaryndaǵy porttaryndaǵy bosqyndar aǵynyna qosylyp, Jerorta teńizi arqyly Italııaǵa ótken. Odan keıin sodyrlar Shvetsııa jáne Germanııa sııaqty basqa da eýropalyq elder barady.
Bul aqparatty jergilikti eki kontrabandashy rastaǵan. «Olardyń biriniń aıtýynsha, ol onnan astam lańkestiń Eýropaǵa ótýine kómektesken. Bireýleri óz otbasyn qurmaq, al endi biri - qaı kezde de ázir bolmaq», - dep áńgimeledi ol.
«Islam memleketindegi» basylym derekkózi sodyrlardyń Eýropaǵa ótýi - AQSh bastaǵan halyqaralyq koalıtsııanyń áýe soqqylaryna ósh alýynyń basy bolmaq. «Biz Sırııada ǵana emes, búkil álemde halıfat ornatpaqpyz», - dep málimdedi ol. Sonymen qatar ol shabýyldar qarapaıym halyqqa emes, batys elderiniń úkimetterine baǵyttalatynyn aıtty, dep habarlady Lenta.rý.
