«Islam memleketine» qosylatyn sodyrlar sany kúrt azaıdy
ÁBÝ-DABI. QazAqparat - Irakta «Islam memleketi» uıymyna qosylatyn sheteldik sodyrlar sany aıyna 200 adamǵa azaıdy, dep habarlady AQSh Qorǵanys mınıstrliginiń baspasóz qyzmeti.
Irakta halyqaralyq koalıtsııa qolbasshylyǵynyń orynbasary, AQSh áskerı-áýe kúshteriniń general-maıory Pıter Gershteın Pentagonnyń derekteri boıynsha, bir jyl buryn «Islam memleketi» qataryna qosylatyn sodyrlardyń sany aıyna 2000-ǵa jetken eken. Sońǵy eki jylda IM-ǵa kiretinder sany edáýir tómendegen. Alaıda, Pentagon ókili Irak pen Sırııa aýmaǵynda «Islam memleketiniń» sany týraly naqty aqparatty aıtpady.
Sırııa «IM» músheligine tartylǵan sodyrlardyń jańa býynynyń basty jahandyq ınkýbatory boldy. Sońǵy 18 aıda arab elinde 31 000 shetel sodyry soǵysyp jatyr.
«Biz olardyń moraldyq jaǵynan álsirep, sarbazdaryna aqsha tóleı almaı otyrǵanyn baqylap otyrmyz. Olar soǵysýǵa da qaýqarsyz ekeni anyq, olardyń «IM» qatarynan qashyp ketý jaǵdaıy da jiti nazarymyzda», - dedi P.Gershteın.
