«Islam memleketimen» Arab elderi birigip kúresetin boldy
ASTANA. QazAqparat - Arab Lıgasynyń mundaı sheshimi jeksenbi kúni Kaır qalasyndaǵy shtab-páterinde ótken Syrtqy ister mınıstrleriniń kezdesýinde qabyldandy.
AEL-ǵa qatysýshy memleketter radıkaldy topqa qarsy barlyq jergilikti jáne halyqaralyq kúshterdi biriktýrge kelisti. Sonymen qatar, jıynda Irak pen Sırııadaǵy ekstremısterdi qarjylandyryp, áskerı, logıstıkalyq kómek berip otyrǵandardyń jolyn kesýdi barlyq memleketten talap etken BUU Qaýipsizdik Keńesiniń sheshimin maquldady.
Jıyn basynda AEL bas hatshysy Nabıl ál-Arabı jıynǵa qatysýshylardy batyl sheshim qabyldaýǵa shaqyrdy. Onyń aıtýynsha, terrorızmniń oshaǵyn sóndirý úshin ekonomıkalyq, mádenı, saıası, áskerı salada keń aýqymdy batyl sheshim qabyldanýy kerek.
