«Islam memleketi» uıymy «Twitter» kompanııasynyń basshysyna qoqan-loqqy kórsetti
ASTANA. QazAqparat - Twitter Inc kompanııasynyń ókilderi «Islam memleketi» lańkestik tobynan qoqan-loqqy kórip, AQSh-tyń kúshtik qurylymdarynan pana suraýǵa májbúr boldy. Naqtyraq aıtqanda, sodyrlar «Twitter Inc» kompanııanyń basshysy Djek Dorsı men qyzmetkerlerine óshikken, dep jazady «RIA Novostı».
Búǵan deıin ǵalamtorda «Islam memleketi» terrorlyq uıymy atynan ashylǵan Twitter áleýmettik jelisindegi paraqshany kompanııa basshylyǵy japqany týraly aqparat taraǵan bolatyn.
Osydan keıin «IM» sodyrlary «Twitter» basshysy Djek Dorsıge «istegeniń aldyńnan shyǵady» degen mazmunda habarla joldaǵan.
Eske sala keteıik, 2014 jyly AQSh memdepartamenti men qorǵanys mınıstrligi «Twitter» jáne Youtube vıdeo-hostıngi basshylaryna radıkaldy toptyń akkaýnttaryn jabý týraly ótinish joldaǵan.
Buǵan AQSh jýrnalısi Djeıms Foýlıdiń ólimi týraly vıdeonyń jarııalanýy túrtki boldy.
