«Islam memleketi» sodyrlary Mosýlda qorǵanys jelilerin qurýda
ÁBÝ-DABI. QazAqparat - «Islam memleketi» sodyrlary ózderi basyp alǵan Iraktyń soltústigindegi Mosýl qalasynda alty qorǵanys jelisin salyp jatyr, dep habarlaıdy QazAqparat tilshisi.
Iraktyń «Al Sýmarııa» telearnasynyń habarlaýynsha, atalǵan qorǵanys jelileri brondalǵan kólik quraldarynan jáne jankeshti lańkesterden turady. Irak armııasynyń shabýylyna qarsy turý úshin eki jeli Mosýldyń sol jaǵalaýynda, al tórteýi qalanyń ózge aýdandarynda turǵyzylǵan.
Buǵan deıin Irak qarýly kúshteriniń baspasóz-hatshysy Ahmed al-Assadı Mosýl qalasyn azat etý operatsııasy birneshe kúnniń ishinde bastalýy múmkindigin habarlaǵan bolatyn. Ol sondaı-aq, Irak úkimeti sheteldik kómekke muqtaj emestigin aıtty.
