Islam memleketi sodyrlary kórermenderdiń kózinshe Palmıradaǵy rım teatrynda 20 adamdy óltirdi
ASTANA. Qazaqparat - «Islam memleketiniń» sodyrlary Sırııanyń ejelgi Palmıra qalasyndaǵy rım teatrynda 20 adamdy óltirdi. Islamshylar olardy úkimetti qoldaǵany úshin aıyptady. Bul týraly Lenta.ru Reuters agenttigine silteme jasap habarlady.
Sırııanyń adam quqyqtaryn saqtaýǵa monıtorıng ortalyǵy quqyq qorǵaýshylarynyń aıtýynsha, sodyrlar kórermenderdi osy jantúrshigerlik aktsııany kórýge shaqyrǵan.
The Guardian budan buryn habarlaǵanyndaı, BUU «Ál-Kaıda» jáne «Islam memleketi» sııaqty toptarda soǵysyp jatqan jıhadshylar álem elderiniń teń jartysynan astamynan quralǵan dep málimdedi.
Halyqaralyq uıymnyń baıandamasyna sáıkes, qazirgi kezde 25 myńnan astam sheteldik jaýyngerler ıslamshylar jaǵynda janjaldarǵa qatysýda. Sońǵy toǵyz aıda olardyń sany 70 paıyzǵa arta tústi. Olardyń barlyǵy da uzaq merzimge tikeleı qaýip tóndiredi.
Atap ótilgendeı, 20 mamyrda Islam memleketiniń sodyrlary, atap aıtqanda ejelgi biregeı qurylys oryndarynyń qaldyqtary saqtalǵan Palmırany basyp aldy. Olar ıÝNESKO-nyń Búkilálemdik muralary dep tanylǵan bolatyn. Qazirgi kezde ejelgi qalanyń ornynda shaǵyn eldi meken ornalasqan. Palmırany alǵan sátten bastap, jıhadshylar keminde 200 adamdy ólim jazasyna kesti jáne 600-ge jýyq adamdy tutqynǵa aldy.
«Islam memleketi» Irakta 2006 jyly paıda boldy. 2014 jyldyń jazyna qaraı top sodyrlary Sırııa men Iraktyń bir bóligine baqylaý ornatty jáne astanasy Mosýl qalasy etip, halıfatty jarııalady. Palmıra ıslamshylar ókimet oryndarynan jaýlap alǵan alǵashqy sırııalyq qala bolyp otyr.
