«Islam memleketi» sodyrlary Iraktyń Ramadı qalasyn basyp aldy, 500-den astam adam qaza tapty
ASTANA. QazAqparat - Irak bıligi habarlaǵandaı, eldiń batysyndaǵy Ramadı qalasy «Islam memleketi» toby sodyrlarynyń baqylaýyna ótti, dep habarlady Bı-bı-sı.
Qalaǵa baǵyttalǵan jasaq jıhadshylardyń shabýylyna qarsy turý úshin jetkiliksiz bolyp shyqty: bılik áskeri keri shegindi.
Jergilikti bılik ókili sońǵy eki kúnde qalada beıbit turǵyndardy qosa alǵanda, 500-ge tarta adam qaza tapqanyn jetkizdi. Úkimetke qarsy súnnıt taıpalary men Saddam Hýsseın áskeriniń burynǵy músheleriniń qoldaýyna ıe sodyrlar birneshe aıdan beri Ramadı qalasyn basyp alýǵa tyrysqan. «Islam memleketi» Baǵdad úkimetine Ramadıdi óz baqylaýyna alý arqyly top búkil Anbar provıntsııasyn is júzinde baqylaı alatyny jaıly kesimdi jaýabyn aıtýda.
