«Islam memleketi» sodyrlary 300 adamdy ólim jazasyna kesti
ASTANA. QazAqparat - Atyshýly «Irak pen Levant lańkestik uıymynyń» sodyrlary 300 adamdy ólim jazasyna kesti, www.24.kz.
Olardyń keminde elýi - áıel adam. Ekstremısterdiń qolynan qaza tapqandardyń barlyǵy birdeı Iraktyń joǵarǵy saılaý komıssııasynyń qyzmetkerleri bolǵan. Radıkaldar bir top adamdy atyp óltirip, keıin týǵan-týystaryna jaqyndarynan aıyrylǵany týraly málim etken. Biraq «satqyndar men kápirler» degen aıyppen atý jazasyna kesken qurbandarynyń denesin týysqandaryna bermepti. Aıta keteıik, taıaýda Irak bıligi bir ǵana Mosýl qalasynda sodyrlardyń 2 myń beıbit turǵynyn ólim jazasyna keskenin málim etken bolatyn. Atalǵan shahar byltyrdan beri lańkesterdiń baqylaýynda.
