«Islam memleketi» óz valıýtasyn shyǵarmaq
ÁBÝ-DABI. QazAqparat - «Islam memleketi» toby ózderiniń valıýtalaryn shyǵaryp, olardy altyn, kúmis jáne qoladan soǵýdy josparlap otyr.
Óz málimdemesinde «IM» «jańa valıýtanyń tırandyq qarjy júıesinen qorǵanýǵa múmkindik beretinin» habarlaǵan. Jańa valıýtada monetanyń jeti túri bolady: eki altyn, úsh kúmis jáne eki qola. Jeke valıýtany qurý sheshimi «tolyqtaı Qudaıǵa arnalady» jáne jaýyngerlerge jahandyq ekonomıkalyq júıeni paıdalanýdan bas tartýǵa múmkindik beredi. Brıtanııalyq The Independent gazeti «IM» tarıhtaǵy eń baı terrorlyq uıym dep ataǵan. Basylymnyń málimetine qaraǵanda, uıym kúnine úsh mıllıon dollardan astam qarjy tabady. Bul kiris qara naryqta munaı satýdan, bopsalaýshylyq, urlyq men adamdardy satýdan keledi. Qazirgi ýaqytta «Islam memleketi» uıymynyń jaýyngerleri Sırııa men Iraktaǵy belgili bir aýmaqtardy baqylap otyr. Olar aımaqtyń soǵysqa qabiletti toptardyń biri bolyp tabylady. «IM» uıymy Irakqa 2014 jyldyń maýsymynan kirgen. Olar eldiń soltústigi men batysyndaǵy birneshe eldi mekenderdi basyp alyp, Baǵdadqa jaqyndap, Irakpen shekaralas basqa da memleketterge qaýip tóndirdi.
