«Islam memleketi» qataryna tartylǵan tájikter azamattyǵynan aıyrylady
ASTANA. QazAqparat - Tájikstan Prezıdenti Emomalı Rahmon shetelderdegi terrorıstik qurylymdarǵa qatysyp júrgen tulǵalardyń avtomatty túrde el azamattyǵynan aıyrylatyny naqtylanǵan jarlyqqa qol qoıdy, dep habarlaıdy Bı-bı-sı.
Memleket basshysynyń sheshimi tájikstandyq azamattardyń «Islam memleketi» sodyrlarynyń qataryna tartylýy týraly aqparattardyń negizinde qabyldandy.
Osy eldiń ishki ister mınıstrliginen habarlaǵandaı, Aýǵanstan men Sırııada 600-den astam tájik soǵysyp júr. Olar sondaı-aq «Talıban» jáne «Ózbekstannyń ıslam qozǵalysy» qozǵalystarynyń jaýyngerleriniń qatarynda bar. Sonymen qatar atalǵan jarlyqta tájik eliniń azamattyǵyn alýǵa qatysty jaıttar aıtylǵan. Oǵan sáıkes, endi memlekettik til - farsı tilinde aýyzeki sóıleı bilý mindetti. Tájistan aýmaǵynda týǵan balalarmen qatar Tájikstan eliniń azamatyna úılengen nemese turmysqa shyqqan tulǵa da osy eldiń tólqujatyn ıelene alady.
