Islam Medetbaı jasóspirimder arasynda álem chempıonatynyń qola júldegeri atandy
ASTANA.KAZINFORM - Qazaqstan quramasynyń taekvondoshysy Islam Medetbaı Tashkentte (Ózbekstan) ótip jatqan jasóspirimder arasyndaǵy álem chempıonatynda qola júldege ıe boldy.
Otandasymyz 55 kelige deıingi salmaqta júldegerler qatarynan kórindi.
QR UOK málimetinshe, Medetbaı álem birinshiliginiń jartylaı fınalyna deıin jetti. Alaıda fınalǵa shyǵý úshin ótken kezdesýde jeńiske jete almady.
Osylaısha, ol Qazaqstan qorjynyna jasóspirimder álem chempıonatyndaǵy ekinshi qola medaldi saldy. Buǵan deıin Erasyl Erzat ta úshinshi oryn alǵan edi.
Aıta keteıik, qylyshtasýdan álem kýbogy kezeńine qatysatyn sportshylar belgili boldy.
Búgin Qazaqstan fýtzal quramasy Ázerbaıjanmen joldastyq kezdesý ótkizedi.
