Islam mádenı muralarynyń kóp bóliginen aırylyp qalý qaýpi bar
ASTANA. 4 qyrkúıek. QazAqparat - Mavrıtanııada ǵylymı máni tereń ári sırek kezdesetin kóne qoljazbalardan aırylyp qalý qaýpi tónip tur. Qoljazbalar arab álemindegi mádenı muralardyń negizgi bóligin quraıdy. Qoljazbalardyń bir bóligi jekelegen tulǵalardyń qolynda bolǵandyqtan olardy kózdiń qarashyǵyndaı saqtaý jaǵy kemshin soǵyp jatyr. Bul jaıynda al-Arabiya habar taratty.
Atalmysh máseleniń basqa jaǵy da bar. Baǵa jetpes jádigerden aırylǵysy kelmeıtin qoljazba qojaıyndary olardy tıisti oryndarǵa berýden úzildi-kesildi bas tartyp otyr. Basylymnyń habarlaýynsha, Mavrıtanııada tarıhı máni zor qoljazbalar kóptep kezdeskenimen olarǵa salǵyrt-salaq qarap otyr. Qaýipsizdik qamyn umyt qaldyrǵandyqtan qyl aıaǵy órt apatynan saqtaý jaǵy da qarastyrylmaǵan.
Eń soraqysy, qoljazbalardyń kóbisiniń qaıda ekeni de belgisiz kúıinde qalyp otyr. Kezinde dinı málimetter men mátinderdi kóz maıyn taýysyp hatqa túsirgen, áldeqashan súıegi qýrap qalǵan ǵalymdardyń urpaqtary qoljazbalardy uralarda saqtap otyrǵany jasyryn emes.
Muslim.kz saıtynyń jazýynsha, zertteýshiler máne tárjimashylardyń sózine qaraǵanda, Mavrıtanııa turǵyndarynyń qolynda quqyqqa, grammatıkaǵa, rıtorıkaǵa, tarıhqa, medıtsınaǵa, pálsafaǵa, ádebıetke jáne t.b. qatysty qundy qoljazbalar bar.
Ǵalymdar men sarapshylardyń esebinshe, osynaý el aýmaǵynda bizdiń dáýirimizge deıingi ІH-HH ǵasyrlarda jazylǵan 40 myńnan asa qoljazba bar kórinedi.
