Islam lıgasy konferentsııasynyń qatysýshylary Qazaqstan týraly jaqsy pikirlerin bildirdi - Ábsattar qajy Derbisáli
ALMATY. Tamyzdyń 6-sy. QazAqparat /Erbol Turymbetov/ - Shildeniń 31-i men tamyzdyń 2-si aralyǵynda Saýd Arabııasynda ótken álemdik Islam lıgasy konferentsııasynyń qatysýshylary Qazaqstan týraly jaqsy kózqarastaryn bildirdi.
Bul týraly búgin Qazaqstan musylmandary dinı basqarmasynyń Bas múftıi Ábsattar qajy Derbisáli Almatyda ótken baspasóz máslıhatynda aıtty, dep habarlaıdy QazAqparat.
«Sol elde júrgende juma kúni ál-Haram meshitine baryp, elimiz úshin duǵa qyldyq. Halqymyzdyń tynyshtyǵyn, amandyǵyn tiledik. Al konferentsııada men Elbasymyzdyń jıynǵa arnaıy joldaǵan hatyn oqydym. Sonda qatysýshylar men Bas hatshy, doktor, professor Abdalla Ben Abdel Mýhsın At-Týrkı de bizdiń Prezıdentimiz týraly kóp maqtaýlar aıtty. Sonymen birge, elimiz týraly jaqsy pikirlerin bildirip jatty. Bizdiń mereıimiz kóterilip qaldy», deıdi Ábsattar qajy.
