Islam qarjylandyrý júıesine álem qyzyǵyp otyr
ASTANA. 16 tamyz. QazAqparat - Islam bankteri jyldan-jylǵa damyp, ósip keledi. Al-Hayat basylymynyń habarlaýynsha, ıslam ekonomıkasynyń jalpy kólemi 4 trıllıon dollarǵa jetken.
Islam qarjylandyrý júıesi álemdegi barlyq qarjy mekemeleriniń qyzyǵýshylyǵyn týdyryp otyr. Máselen, qazirdiń ózinde ıslamı bank aktıvteriniń quny 1,5 trıllıon dollarǵa baǵalanyp otyr. Muslim.kz saıtynyń jazýynsha, 2015 jylǵa qaraı bul san 2 trıllıon dollarǵa ósedi dep boljanýda.
Islam aktıvteri negizinen Malaızııa, Saýd Arabııasy jáne Birikken Arab Ámirlikterine shoǵyrlanǵan.
2012 jyly Parsy shyǵanaǵyndaǵy arab elderiniń ıslamı bank aktıvteri 445 mlrd. dollarǵa baǵalanyp, bul kórsetkish 2011 jylǵa qaraǵanda 55 mlrd. dollarǵa artqan eken. 2013 jyly Dýbaıda ıslam ekonomıkasy boıynsha Búkil álemdik sammıt ótedi.
