Islam qarjy salasynyń qaıratkerleri de qomaqty syımen marapattalatyn boldy
ASTANA. 20 shilde. QazAqparat - Abu Dhabi Islamic Bank (ADIB) Thomson Reuters-pen birigip, ádep pen ıslamı qarjyny damytýǵa úles qosqandar úshin jańa halyqaralyq nagradalar shyǵarmaq.
Nagradalar úsh nomınatsııa boıynsha beriledi. Atap aıtqanda, «Islamı qarjy ındýstrııasyn damytqany úshin», «Etıkalyq qarjy salasyndaǵy bastamasy úshin» jáne «Ǵasyrlyq jetistigi úshin» beriletin nagradalar óz ıesin tabatyn boldy.
Muslim.kz saıtynyń jazýynsha, atalmysh marapat túrlerine ádeptilik aıasynda qarjy sektoryn damytýǵa múddeli kez kelgen mekeme, zertteý ortalyqtary jáne mamandar toby úmitker bola alady. Marapat aqshalaı 100 000 dollardy quraıdy.
Júldegerlerdi sharıǵattyń jiligin shaǵyp, maıyn ishken ǵalymdar men qarjy sarapshylarynan turatyn arnaıy ádilqazylar alqasy irikteıdi. Júldegerlerdiń esimderi men ataýlary qarasha aıynda belgili bolatyn boldy. Osynaý marapatqa qatysty qujattar 31 qyrkúıekke deıin qabyldanatynyn aıta ketý kerek.
