Islam Karımovtiń qyzy otandastaryn Táýelsizdik kúnimen quttyqtady
ASTANA. QazAqparat - Ózbekstan prezıdenti Islam Karımovtiń qyzy Lola Karımova Ózbekstanda 1 qyrkúıekte atalyp ótiletin Táýelsizdik kúni qarsańynda respýblıka turǵyndarynyń eńbekqorlyǵy men meıirimdiligin atap ótip, olardy merekemen quttyqtady.
«Otandastarymdy shyn júrekten Táýelsizdik kúnimen quttyqtaımyn! Eńbekqor, asa daryndy adal Ózbek halqyna baqyt tileımin, elimiz gúldenip, bıik shyńdardy eńsere bersin! Berekeli jerimizde beıbitshilik máńgilik ornap, tynyshtyq bolsyn, ár ult ókilderi arasyndaǵy toleranttylyq pen bir-birine degen qurmet arta bersin!
Osy sátti paıdalanyp, Prezıdentimizdiń tez saýyǵyp ketýi úshin bildirgen shynaıy kóńilderińiz ben qoldaýdalyńyz úshin alǵys bildirgim keledi! Bul biz úshin óte qajet. Júrekterińizdiń túbinen shyqqan izgi nıetterińizdiń kúshi onyń saýyǵyp ketýine sep bolatynyna senimdimin! Barlyqtaryńyzǵa rahmet!» - dep jazdy ınstagramǵa.
