Islam yntymaqtastyǵy uıymynyń jańa bas hatshysy taǵaıyndaldy
ASTANA. KAZINFORM — Mavrıtanııa ókili Ismaıl ýld Sheıh Ahmed Islam yntymaqtastyǵy uıymynyń bas hatshysy bolyp saılandy. Bul týraly Kazinform Sınhýaǵa silteme jasap habarlady.
Ismaıl ýld Sheıh Ahmed 1960 jylǵy 9 qarashada Nýakshot qalasynda dúnıege kelgen. Monpele ýnıversıtetinde ekonomıka bakalavry dárejesin, Manchester ýnıversıtetinde adam resýrstaryn damytý salasy boıynsha magıstr dárejesin alǵan. Sonymen qatar Maastrıht ýnıversıtetinde bilim alǵan.
Ár jyldary BUU qurylymdarynda qyzmet atqarǵan. 2008–2012 jyldary BUU-nyń Sırııadaǵy turaqty úılestirýshisi, gýmanıtarlyq úılestirýshisi jáne BUU Damý baǵdarlamasynyń turaqty ókili boldy. 2012–2014 jyldary Iemende osyǵan uqsas qyzmetter atqardy.
2014 jyly BUU Bas hatshysynyń Lıvııadaǵy arnaıy ókiliniń orynbasary bolyp jumys istedi. Keıin Ebola indetine tótenshe den qoıý jónindegi BUU mıssııasyn basqardy. 2015–2018 jyldary BUU Bas hatshysynyń Iemen jónindegi arnaıy elshisi qyzmetin atqardy. Buǵan deıin ıÝNISEF-te basshylyq qyzmetterde jumys istegen.
2018 jyly Ismaıl ýld Sheıh Ahmed Mavrıtanııanyń syrtqy ister mınıstri bolyp taǵaıyndaldy. Ol arab, frantsýz jáne aǵylshyn tilderin meńgergen.
Eske salaıyq, buǵan deıin Arab jáne ıslam elderi Ierýsalımdi qorǵaý úshin halyqaralyq kúsh-jigerdi kúsheıtetinin jazǵanbyz.
