Islam yntymaqtastyǵy oıyndary: Otandyq karateshi qola medalǵa ıe boldy

ASTANA. KAZINFORM — Karateden Qazaqstan quramasynyń ókili Daııana Darenskaıa Er-Rııadta (Saýd Arabııasy) ótip jatqan Islam yntymaqtastyǵy oıyndarynyń qola júldegeri atandy. Bul týraly Ulttyq olımpıada komıteti habarlady.

Qazaqstandyq sportshy 68 kelige deıingi salmaqta sátti óner kórsetti.

Darenskaıa qola medal úshin ótken jekpe-jekte Saýd Arabııasynyń ókili Marıam Alsalahty senimdi túrde jeńdi.

Osyǵan deıin ziltemirshi Lıýbov Kovalchýk Islam yntymaqtastyǵy oıyndarynda kúmis júlde enshilegenin jazǵanbyz. 

Al budan buryn aýyr atlet Artem Antropov Islam yntymaqtastyǵy oıyndarynda qola júlde alǵany habarlandy.

Kúni keshe karateden Qazaqstan quramasynyń ókili Nıkıta Tarnakın Er-Rııadtaǵy (Saýd Arabııasy) Islam yntymaqtastyǵy oıyndarynyń jeńimpazy atandy.