Islam Evloev Islam yntymaqtastyǵy oıyndarynyń altyn medali úshin kúresedi

ASTANA. KAZINFORM — Grek-rım kúresinen Qazaqstan quramasynyń ókili Islam Evloev Er-Rııadta (Saýd Arabııasy) ótip jatqan Islam yntymaqtastyǵy oıyndarynyń fınalyna shyqty.

Otandasymyz 87 kelige deıingi salmaq dárejesinde altyn medal úshin beldesedi.

QR UOK málimetinshe, jartylaı fınalda Evloev aljırlik Sıd Bachırden basym tústi. Sheshýshi beldesýde qazaqstandyq balýan álem chempıony (82 keli) Golamreza Farohımen (Iran) kezdesedi.

Buǵan deıin taekvondoshy Baýyrjan Hasenov Islam oıyndarynyń altyn medaline talasatynyn jazǵan bolatynbyz.

Kamıla Aımýkasheva Islam oıyndarynyń qola júldesin jeńip aldy.