Islam elderiniń birinshi hokkeı týrnırinde qazaqstandyqtar júldeger boldy
Erler arasyndaǵy jarysqa 12 komanda qatysyp, árqaısysy tórtten úsh topqa bólindi.
Qazaqstan atynan quramynda áýesqoı hokkeıshiler de, kásibı deńgeıde óner kórsetken ulttyq quramanyń burynǵy oıynshylary da bar «OSKEMEN» komandasy qatysty.
Olar óz tobynda Qyrǵyzstan men Túrkimenstandy jeńdi, degenmen alań ıeleri – Tatarstanǵa ese jiberip, ekinshi oryn aldy.
«OSKEMEN» bas bapkeri Andreı Raıskııdiń aıtýynsha, týrnır óte jaqsy uıymdastyrylǵan.
Tańǵalatyn eshteńesi joq, óıtkeni Tatarstanda sport ındýstrııasy árdaıym joǵary deńgeıde bolǵan, al jergilikti hokkeıshiler qurlyqtyq hokkeı lıgasynda sátti óner kórsetýde.
Óz kezeginde komanda kapıtany Omar Jaqsylyq qatysýǵa shaqyrǵany úshin uıymdastyrýshylarǵa rızashylyǵyn bildirip, mundaı is-sharalar elder arasyndaǵy mádenı-gýmanıtarlyq baılanysty nyǵaıtatynyn atap ótti.
Týrnır nátıjesinde shtab-páteri Qazan qalasynda ornalasqan Islam elderiniń shaıbaly hokkeıin damytý halyqaralyq qaýymdastyǵyn qurý týraly kelisimge qol qoıyldy.
Jańa uıym aıasyndaǵy yntymaqtastyq tájirıbe almasýǵa, oıynshylardy, jattyqtyrýshylar men tóreshilerdi oqytýǵa, jas hokkeıshilerdi daıarlaý ádistemelerine qol jetkizýge múmkindik beredi.
