Islam ekstremısteri Múbarakqa 12 ret qastandyq jasaǵandaryn moıyndady
ASTANA. 15 maýsym. QazAqparat - «Ál-Gamaa ál-Islamııa» ıslam ekstremıstik toby Mysyrdyń burynǵy prezıdenti Hosnı Múbaraktyń ómirine qarsy 12 ret qastandyq jasady.
Qazirgi ýaqytta toptyń Iemendegi ókili bolyp tabylatyn belsendi múshesi Alı ash-Sharıf «Ar-Raı al-Amm» kýveıttik basylym betterine osyndaı málimdemesimen shyqty, dep habarlaıdy ITAR-TASS.
Ash-Sharıftiń aıtýynsha, Múbarakqa qarsy sońǵy qastandyq 1995 jyly Addıs-Abebte Mysyr prezıdentiniń Efıopııaǵa resmı saparymen kelgen kezinde ázirlengen.
«Burynǵy prezıdenttiń kózin qurtý úshin» fýndamentalısshilerdiń birneshe sebebi bolǵany anyq, solardyń ishindegi eń negizgisi, ash-Sharıftiń pikirinshe, egıpettik arnaıy jasaq qyzmetkerleriniń tutqynǵa túsken top músheleriniń áıelderin soqqyǵa jyǵyp, zorlyq kórsetýi. Osyndaı áreketimen egıpettik basqarýshy ıslam oppozıtsııasyn túp-tamyrymen julyp almaqshy boldy, alaıda, kerisinshe, «jekkórinish pen kek alý» nıetin týdyrdy. Sonyń nátıjesinde 90-jyldary fýndamentalısshiler «óz tásilin ózgertip», bılikke saıası kúres arqyly qol jetkizý baǵytyna tústi.
