Islam ekonomıkasynyń ósý kórsetkishi álem boıynsha 6,7 trln dollarǵa jetti

Bul kórsetkish AQSh pen Qytaıdy eseptemegende álemniń kez kelgen eliniń ekonomıkasynan áldeqaıda joǵary bolyp tabylady. Bul jaıynda Dýbaı bıliginiń aqparattyq-konsaltıngtik Thomson-Reuters agenttigimen birigip ázirlegen arnaıy zertteý qorytyndysynda aıtylǵan, dep jazady muslim.kz saıty.

Saıttyń jazýynsha, atalmysh zertteýge qatysty baıandama búgin, ıaǵnı, qarasha aıynyń 25-i kúni Dýbaıda ótetin jahandyq ıslam ekonomıkasyna arnalǵan sammıtte oqylady.

Baıandamada aıtylǵandaı, musylmandardyń azyq-túlik pen halyqqa qajetti taýarlardy tutyný, sondaı-aq, buqaralyq aqparat quraldary men ózge kórsetiletin qyzmetterge jumsaıtyn shyǵyny ótken jyly 1,2 trln dollardy quraǵan. Boljam boıynsha, bul shyǵyn kórsetkishi 2018 jylǵa qaraı 2,47 trln dollarǵa deıin artady.

Álemdegi barlyq qarjy aktıvteri búgingi tańda 11,35 trln dollarǵa baǵalanyp otyr. Baıandamany daıyndaǵandardyń sózine qaraǵanda, damý qarqynyn joǵaltpasa, ıslam bankınginiń jahandyq sektory álemdegi negizgi naryqta 4,1 dollar paıdaǵa kenelýi múmkin.

Dýbaıdaǵy sammıtke 3 myńnan asa adam qatysady. Olardyń arasynda kórnekti saıasatkerler, qarjy salasynyń bilgirleri men mamandary, sharıǵatty jetik biletin ekonomıka sarapshylary bolady.