Islam domenin paıdalanýyn IYU qadaǵalaıtyn boldy
ASTANA. 5 shilde. QazAqparat - Islam domenin paıdalanýyn IYU qadaǵalaýǵa alatyn boldy. Bul týraly Islam Yntymaqtastyq Uıymynyń bas hatshysy Ekmeleddın Ihsanoglý málim etti,
dep habarlaıdy Qazaqstan musylmandary dinı basqarmasynyń resmı saıty.
«Islam jáne halal sekildi jańa sózderdiń qoldanylýyn musylman elderi birigip, joǵarǵy dárejede birge qadaǵalaýy qajet. Islam domenderi teris maqsatta qoldanylyp, halyq arasynda daý shyǵarmas úshin biz osyndaı is-sharany uıymdastyrmaqpyz»,- dep málimdedi E.Ihsanoglý.
Onyń aıtýynsha, ókinishke oraı, com, org sekildi domenderdiń ıemdenýshisi retinde tanylǵan Internet Corporation for Assigned Names and Numbers (ICANN) atty birlestikten ázirshe qoldaý tabylǵan joq.
30 maýsym men 2 shilde aralyǵynda Djıddada ótken IYU Islam ekonomıkasy men mádenıeti, áleýmettik másele jónindegi komıssııanyń 36-shy sessııasynda Ekmeleddın Ihsanoglý uıymǵa múshe elderdi bul máselege sáıkes qarar qabyldaýǵa shaqyrdy. Sonymen qatar, konferentsııada IYU-nyń jańartylǵan jelilik resýrstary usynyldy.
