Islam damý banki Qazaqstanmen yntymaqtastyqty nyǵaıtýǵa nıetti
Taraptar elimizdiń ulttyq ınvestıtsııalyq jobalaryna Banktiń odan ári qatysýy máselelerin talqylady. Qazaqstan IYU-ǵa múshe memleketterdiń ınfraqurylymdyq ıntegratsııasyn kózdeıtin «Islamdyq ınfraqurylymdyq ıntegratsııa» Strategııalyq baǵdarlamalyq qujatyn ázirleý týraly QR Tuńǵysh Prezıdenti - Elbasy Nursultan Nazarbaevtyń bastamasyn iske asyrý sheńberinde IDB-men yntymaqtastyqqa múddeli.
Banktiń Qazaqstannyń ekonomıkalyq damý baǵdarlamalaryna qatysýy onyń bizdiń elmen yntymaqtastyqty damytýǵa degen nıetin kórsetedi.
«Bizdiń maqsatymyz Qazaqstanmen yntymaqtastyqty kúsheıtý jáne sizdiń elińizde ıslamdyq qarjylandyrý tetikterin damytý. Qazaqstandy Lıýksembýrgtegi Sýkýk ıslam baǵaly qaǵazdary boıynsha halyqaralyq konferentsııaǵa qatysýǵa jáne mamandardy Banktiń arnaıy stıpendııalyq baǵdarlamalary boıynsha oqýǵa jiberýge shaqyramyn», - dedi B.Hadjar.
Sonymen qatar, suhbattasýshy 500 mln. AQSh dollary kólemindegi bastapqy kapıtaldandyrýmen IDB-nyń Ǵylym jáne tehnologııalar jónindegi fondyn qurý máselesinen habardar etti.
Qazaqstan tarapy IDB Prezıdentine Nur-Sultan qalasynda ótken halyqaralyq is-sharalarǵa, atap aıtqanda 2017 jylǵy qyrkúıekte IYU-nyń Ǵylym jáne tehnologııalar jónindegi birinshi sammıtine, «Astana» Halyqaralyq qarjy ortalyǵynyń (AHQO) ashylý saltanatyna jáne 2018 jylǵy shildede «Astana Finance Days» forýmyna belsendi qatysqany úshin alǵys bildirdi.
B.Hadjar AHQO-nyń Ortalyqty basqarý keńesiniń múshesi bola otyryp, banktiń AHQO-men yntymaqtastyǵy máselelerin jeke talqylady. IDB men AHQO arasynda qol qoıylǵan yntymaqtastyq týraly Memorandým TMD aımaǵynda ıslamdyq qarjylandyrýdy damytýǵa yqpal etedi jáne IDB-nyń osy saladaǵy qundy tájirıbesin zertteýge múmkindik beredi.
Qazaqstan tarapy IDB-ny AHQO bazasynda ıslamdyq qarjy qyzmetteri ındýstrııasyn damytýǵa belsendi qatysýǵa jáne basqa ıslamdyq qarjy ınstıtýttaryn osy qarjy ortalyǵymen, onyń ishinde IDB qurylymdaryn oqshaýlaý jáne AHQO bırjasynda Sýkýk ıslam baǵaly qaǵazdaryn shyǵarý jolymen yntymaqtastyqqa tartýǵa járdem kórsetýge shaqyrdy.
Sondaı-aq, Qazaqstannyń IYU elderine eksportty damytý úshin eleýli qarjy resýrstaryn tartýǵa múmkindik beretin ıslamdyq qarjylandyrý jónindegi Halyqaralyq Islam korporatsııasynyń Jarǵysyn ratıfıkatsııalaý rásimin jedeldetip aıaqtaýyna nazar aýdaryldy.
Azyq-túlik qaýipsizdigi máselesi búkil álem úshin ózekti bolyp tabylady. Qazaqstan osy salada belsendi jumys júrgizýde. Osyǵan baılanysty Islam Damý Bankine kórsetilgen qoldaý úshin, onyń ishinde shtab-páteri Nur-sultan qalasynda ornalasqan Azyq-túlik qaýipsizdigi jónindegi ıslam uıymy aıasynda alǵysyn bildirdi.
Qazirgi ýaqytta Nur-Sultan qalasynda AQIU Atqarýshy keńesiniń ekinshi otyrysyn jáne Djıdda qalasynda Bas Assambleıanyń ekinshi sessııasyn aǵymdaǵy jyldyń tamyz aıynda ótkizý boıynsha daıyndyq jumystary júrgizilýde.
Anyqtama: IDB halyqaralyq qarjy ınstıtýty bolyp tabylady jáne óz qyzmetin 1975 jyldyń 20 qazanynda resmı túrde bastady. Banktiń shtab-páteri Djıdda qalasynda ornalasqan. IYU-ǵa barlyq 57 múshe memleket IDB-ǵa múshe bolyp tabylady.
Bank úlestik ınvestıtsııalar arqyly IYU-ǵa múshe memleketterdiń aýmaǵynda perspektıvaly ekonomıkalyq jobalardy iske asyrýmen aınalysady, jeke jáne memlekettik sektorlarda iske asyrylatyn kásiporyndar men baǵdarlamalardy nesıeleıdi, sondaı-aq qyzmetine banktiń múshesi bolyp tabylmaıtyn elderdegi musylman qaýymdaryna kómek kórsetýge baǵyttalǵan arnaıy qorlardy qurý jáne basqarý fýnktsııasy kiredi.
IDB qurylǵan sátten bastap IYU-ǵa múshe memleketterdiń aýmaǵynda jalpy somasy 1331,3 mlrd. AQSh dollaryn quraıtyn jobalar maquldandy. 2018 jyly IDB Afrıka, Eýropa, Latyn Amerıkasy jáne Azııa elderindegi jobalardy qarjylandyrdy.
