Islam Damý Banki elimizdiń birqatar óńirlerindegi sýarmaly jerlerdi jaqsartý úshin 411 mln dollar bóledi
Komıtet taratqan málimetterge qaraǵanda, qazirgi tańda elimizdiń 1,2 mln. gektar alańyn quraıtyn sýarmaly jerlerdiń melıoratıvtik jaı-kúıin monıtorıngileý jáne baǵalaý jumystary qolǵa alynǵan. Budan bólek, halyqaralyq qarjy ınstıtýttarmen ózara is-áreket baǵytynda 113 myń gektar sýarmaly jerlerdi jaqsartý úshin «Irrıgatsııalyq jáne drenajdyq júıelerdi jetildirý» jobasy iske asyryla bastaǵan. «Sý resýrstary komıteti Sý resýrstaryn basqarýdyń memlekettik baǵdarlamasyn iske asyrý maqsatynda halyqaralyq qarjy ınstıtýttaryn tartý jumystaryn júrgizýde. Búgingi kúni «Qazaq sý sharýashylyǵy» mekemesi 411 mln. dollar somasynda ınvestıtsııalyq qarajatty bólý týraly Islam Damý Bankimen kelisimge qol jetkizdi. Bul qarajat negizinen Almaty oblysynyń sýarmaly jerlerin qalpyna keltirýge, Ońtústik Qazaqstan oblysynda tik drenajdy uńǵymalardy qalpyna keltirý jáne Almaty, Qyzylorda jáne Soltústik Qazaqstan oblystaryndaǵy aýyz sýmen jabdyqtaý nysandary boıynsha bastalǵan qurylystardy aıaqtaýǵa jumsalatyn bolady», delingen baspasóz baıanynda.
Budan bólek, Sý resýrstary komıteti «Syrdarııa ózeniniń arnasyn retteý jáne Aral teńiziniń soltústik bóligin saqtaý. ІІ fazasy» jobasyn iske asyrýǵa daıyndyqty qolǵa alǵan.
