Islam Chesnokov «Harts» komandasyna resmı túrde aýysty
ASTANA. KAZINFORM - Islam Chesnokov Shotlandııanyń «Harts» fýtbol klýbynyń oıynshysy atandy.
Bul komanda el astanasy Edınbýrg qalasynyń atynan synǵa túsedi. Olar Islam Chesnokovpen aldyn ala kelisimshartqa qol qoıǵan edi. Qazaqstandyq fýtbolshynyń Qostanaıdyń «Tobol» klýbymen kelisimsharty 2025 jyldyń 31 jeltoqsanynda aıaqtaldy. Sondyqtan ol «Harts» klýbyna erkin agent retinde aýysýǵa múmkindik aldy.
Islam Chesnokov 1999 jyly Óskemen qalasynda dúnıege kelgen. Sol qalanyń «Altaı» komandasynyń túlegi fýtboldaǵy alǵashqy qadamyn 2018 jyly óz ujymynda bastady. Odan keıin 2021-2022 jyldary Belarýstiń «Belshına» sapynda oınaǵan ol 2023 jyldan beri Qostanaıdyń «Tobyl» komandasynyń namysyn qorǵap keledi.
Ótken maýsymda Islam Chesnokov qostanaılyq klýb sapynda barlyq týrnırde 29 oıyn ótkizip, 10 gol soqty jáne 5 nátıjeli pas berdi. Sonymen qatar ol Qazaqstan kýboginiń jeńimpazy atandy.
2023 jyldan beri ulttyq qurama sapynda oınap, 3 gol soǵyp úlgerdi. Alǵashqy golyn 2023 jyldyń 17 qarashasynda Eýropa chempıonaty irikteý satysynda San-Marıno quramasynyń qaqpasyna engizdi.