Islam Bozbaev dzıýdodan halyqaralyq Gran Prı jarysynyń qola júldesin jeńip aldy
ASTANA. QazAqparat - Qazaq dzıýdoshysy Islam Bozbaev Samsýn qalasynda (Túrkııa) ótken Gran Prı jarysynyń qola júldesin jeńip aldy, dep habarlaıdy «Dzıýdo federatsııasy» RQB baspasóz qyzmeti.
90 kelige deıingi salmaq dárejesinde kúresetin sportshy jerebe tartý nátıjesi boıynsha birden ekinshi aınalymǵa shyqty.
Alǵashqy kezdesýinde ol Irak balýany Alkýraıshı Shıhabty utty, ekinshi beldesýinde nıderlandtyq Elmont Gıýlaýmnen basym tústi. Jartylaı fınalǵa joldama alý úshin ol Serbııa sportshysy Aleksandr Kýkoljden jeńilip, jubanysh beldesýinde slovakııalyq Randl Mılandy jeńdi.
Úshinshi orynǵa kúres kezinde Islam Bozbaev ızraıldyq Kohman Lıden basym túsip, týrnırdiń qola júldesin jeńip aldy.
