Islam bankteri álemdik qarjynyń 15 paıyzyna ıe
ASTANA. 31 mamyr. QazAqparat - Islam bankteri álemdik qarjy aǵynynyń 15 paıyzye baqylaıdy.
Sondaı-aq, ıslam bankteriniń qyzmetin musylman elderindegi bıznesmender men kompanııalardyń 35 paıyzy paıdalanady eken. Bul jaıynda aǵylshyndardyń Redıng ýnıversıtetiniń professory Folker Nıýhaýs al-Arabiya-ǵa habarlady, dep jazady muslim.kz.
Sarapshynyń aıtýynsha, Eýropanyń kóptegen elderi óz naryqtaryna ıslam bankteriniń engenin qalamasa da, eriksiz jol berýge májbúr bolyp otyr.
Bastapqyda eýropalyq kontınentte bir ǵana ıslamı bank mekemesi jumys istepti. Keıin ıslam qarjysy sektorynda qarjylyq operatsııalar sanynyń kóbeıip, damýyna baılanysty kóptegen elderdiń ortalyq bankteri, atap aıtsaq, Ulybrıtanııa men AQSh ıslam qarjysyna esikterin ashqan. Muny da Nıýhaýs myrza aıtyp otyr.
Sarapshy ıslam bank mekemesiniń Malaızııada qalyptasqanyn tilge tıek etti. Úkimettiń qoldaýymen aıtarlyqtaı jetistikke jetken ıslam bankteri keıin Malaızııanyń ósip-órkendeýine yqpal etkenin de jasyrmady.
