Islam azyq-túlik qaýipsizdik uıymy jyldy qorytyndylady

ASTANA. QazAqparat – Islam azyq-túlik qaýipsizdik uıymy (IOFS) jyldyq jumysynyń qorytyndysyn jarııalap, uıym aıasyndaǵy Afrıka jylynyń aıaqtalýyna oraı forým ótkizdi, dep habarlaıdy QazAqparat tilshisi.

Forýmǵa Qatar, Saýd Arabııasy, Pákistan, Shveıtsarııa, Birikken Arab Ámirlikteri jáne ózge de elderdiń ókilderi qatysty.

Jıynǵa qatysýshylar IOFS-tiń ıslam álemi elderindegi azyq-túlik qaýipsizdigi baǵdarlamalaryn úılestiretin negizgi platformaǵa aınala bastaǵanyn atap ótti.

Forým qonaqtary qurylǵanyna kóp bolmaǵan uıymnyń áleýeti zor ekenin, álemde azyq-túlik daǵdarysy ósip kele jatqandyqtan jahandyq syn-qaterlerdi sheshýge ýaqtyly jaýap beretin mundaı uıymnyń qajettigi artatynyn sóz etti.

«Úsh jyl ishinde bizdiń uıym 16 baǵdarlamany jolǵa qoıyp, iske asyryp jatyr. Sonymen qatar aýyl sharýashylyǵy, bıotehnologııa, genetıkalyq resýrstar, rezerv astyq qory salasynda 50-ge jýyq ózara túsinistik jóninde memorandým jasady. Prezıdent Qasym-Jomart Toqaev BUU Bas Assambleıasynda óńirdegi sııaqty azyq-túlik qaýipsizdigine qol jetkizý úshin IOFS arqyly halyqaralyq uıymdarmen yntymaqtastyq ornatýdyń mańyzdy ekenin aıtqan edi. Biz uıymnyń maqsattaryn odan ári iske asyrý jáne azyq-túlik qaýipsizdigi ıdeıasyn ilgeriletý úshin búkil kúsh-jigerimizdi salamyz»,-dedi jıynda IOFS bas dırektory Erlan Baıdáýlet.