«Islam ádepteri» atty jańa kitap jaryq qórdi
ASTANA. 8 tamyz. QazAqparat - Taıaýda «Islam ádepteri» atty jańa kitap jaryq qórdi. Kitaptyń avtory - Aıagóz qalalyq meshitiniń naıb ımamy, «Nur» Qazaq-Mysyr ıslam ýnıversıetetiniń túlegi, fılologııa ǵylymdarynyń magıstri Saıfýllın Dýman Nádiruly. Kitapqa Qazaqstan Respýblıkasy Din isteri agenttiginiń dintaný saraptamasynyń oń qorytyndysy berilgen. Belgili dintanýshy, teologııa ǵylymdarynyń doktory Alaý Ádilbaev pikir jazǵan. Atalmysh kitapty qazaq tilinde jazylǵan ádep taqyrybyn egjeı-tegjeı túsindiretin, musylmannyń kúndelikti ómirine qatysty ádep máselelerin qamtıtyn birden-bir aýqymdy eńbek deýge bolady.
«Dinimizde ádeptiń orny óte zor ekendigi belgili. Ádep ınabattylyqtyń, ımandylyqtyń, adamgershilik pen sypaıylyqtyń, úlkenge qurmet, kishige izet sekildi jaqsylyq qasıetterdi óz ishine qamtıdy. Bul eńbek ár musylmannyń úıindegi kitap sóresinen oryn alý kerek dep oılaımyz. Jas avtorǵa Alla jolyndaǵy qyzmetine tabys tileı otyra, qalamynyń sııasy keppeı, bolashaqta da osyndaı qundy eńbekterdiń jazylýyna sebepshi bolar degen úmittemiz» dep jazady muftiyat.kz.
