Islam Ábishev Dúnıejúzilik Qazaq kúresi federatsııasynyń prezıdenti bolyp saılandy
ASTANA. QazAqparat - Búgin Astanada Qazaq kúresinen ulttyq federatsııalar ókilderiniń kongresinde Islam Ábishev Dúnıejúzilik Qazaq kúresi federatsııasynyń prezıdenti bolyp saılandy, dep xabarlaıdy QazAqparat.
46 eldiń ókilderi qatysqan kongreste Islam Ábishevtiń kandıdatýrasy biraýyzdan maquldandy.
Aıta ketý kerek, Dúnıejúzilik Qazaq kúresi federatsııasy prezıdenttiginde Islam Ábishev 5 jyldyq merzimge saılandy.
"Artylǵan senimderińizge úlken rızashylyǵymdy bildirgim keledi. Federatsııada qyzmet etý jáne qazaq kúresiniń álemdik deńgeıde damýyna úles qosý men úshin úlken mártebe", - dedi ol.
Dúnıejúzilik federatsııanyń burynǵy basshysy Serik Túkıev birinshi vıtse-prezıdent bolyp saılandy. Sonymen qatar Nurlybek Ermaǵambetov Dúnıejúzilik qazaq kúresi federatsııasynyń bas xatshysy bolyp saılandy.
Eske sala keteıik, 2015 jyly Qazaq kúresi erekshe mártebe alyp, UWW (United World Wrestling Kúrestiń birlesken álemdik odaǵy) quramyna endi.
