Islam Ábish sý tasqyny qaýpi bar óńirlerdi atady
«Qyzylordada sý tasqyny boıynsha qaýip bar. Biraq, onyń ózi aıta qoıarlyqtaı emes. Al Ońtústik Qazaqstan oblysynda búgingi kúni eshqandaı qaýip joq sııaqty kórinedi. Alaıda úsh kún qatarynan jaýyn jaýatyn bolsa onda úlken qaýip tónedi. Óıtkeni, bul óńirde taýlar bar. Máselen, Qarataý jotalaryndaǵy qar 1 aı nemese 2 aı birtindep erıtin bolsa, onda eshqandaı problema joq. Al eger ol 3-4 kúnniń ishinde, ary ketkende 1 aptada erip ketetin bolsa, onda problema bolady», - dedi ol.
Osy rette komıtet basshysy Shyǵys Qazaqstan oblysyna qar qalyń túskenin ári kún kúrt jylynyp, tez erıtin bolsa óńirdi biraz ábirge salatynyn ashyq aıtty.
«Almaty oblysynda da qar normadan tys joǵary. Mundaı problema Qaraǵandy, Aqmola jáne Soltústik Qazaqstan oblystarynda da bar. Biraq, aıta keterligi oryn alatyn ahýal qardyń erýine baılanysty. Degenmen, qazirgi aýa raıy rejimi sý tasqyny qaýpiniń aldyn alýda óte ońtaıly bolyp tur. Biraq, ol sý jınaýǵa qolaısyz»,- dedi Islam Ábish.