Іskerlik jáne ekonomıkalyq seriktestiktiń jańa múmkindikterin tabýǵa múddelilerdiń bárin shaqyramyz - Prezıdent
«Sonymen qatar biz sheteldik seriktesterimizdiń tarapynan ózara jaýapkershilikke úmit artamyz. Bizdiń saıasatymyzdyń negizgi prıntsıpteri de soǵan negizdelgen. Bul óz kezeginde elimizdiń ekonomıkalyq damýynda óte mańyzdy ról atqaratyn shaǵyn jáne orta bıznes úshin teń quqyqtar men múmkindikter týǵyzady», - dedi Memleket basshysy.
Qasym-Jomart Toqaev ótken jyly Qazaqstannyń eksporty 40 paıyzǵa óskenin atap ótti.
«Jalpy ishki ónimimizdiń edáýir bóligi áli de energetıka sektoryna tıesili bolsa da, ártaraptandyrýǵa degen umtylysymyz kúsheıe túsýde. Biz avtomobıl, farmatsevtıka, metall óńdeý jáne mashına jasaý sııaqty salalarda ósimdi kórip otyrmyz. Biz iskerlik jáne ekonomıkalyq seriktestiktiń jańa múmkindikterin tabýǵa múddelilerdiń bárin shaqyramyz», - dedi Prezıdent.
