Іskerlik belsendilik qalpyna kele bastady – Ulttyq bank
«Qazan aıynda jahandyq iskerlik belsendilik úsh aı boıy 49,0 deńgeıinde qalyptasyp, 2020 jylǵy maýsymnan bergi eń tómengi kórsetkishke jetti. Óńdeý ónerkásibinde jáne qyzmet kórsetý sektorynda álemdik óndiris kólemi azaıdy. Sonymen qatar Qazaqstanda eki aı qatarynan iskerlik belsendilik ındeksin qalpyna keltirý protsesi jalǵasty. Indeks osy jylǵy qyrkúıek aıyndaǵy 48,2-men salystyrǵanda qazanda 49,1-ge deıin kóterildi. Іskerlik belsendilik kórsetkishi ótken aı deńgeıinde qalǵan óndiris salasynan basqa barlyq sektorda qalpyna kele bastady», - dedi UB tóraǵasynyń orynbasary.
Onyń dereginshe, kásiporyndar sońǵy 5 aıda alǵash ret bıznesti júrgizýdiń osy kúngi sharttaryn oń baǵalap otyr.
«Kásiporyndardyń baǵalaýy boıynsha, daıyn ónimge suranys artty. Aldaǵy 6 aıdyń bolashaqtaǵy bıznes jaǵdaılaryn baǵalaý da jaqsara tústi. Joǵary geosaıası jáne naryqtyq qubylmalylyq, ınflıatsııalyq qysymnyń joǵarylaýy jahandyq iskerlik belsendiliktiń ósý perspektıvalaryna teris áser etýde», - dedi Berik Sholpanqulov.