Ysyrapshyl sheneýnikterdiń toıyna barmaımyn – Álıhan Smaıylov

ASTANA. KAZINFORM – Joǵary aýdıtorlyq palata tóraǵasy Álıhan Smaıylov Májilistiń jalpy otyrysynan keıin ótken baspasóz máslıhatynda ysyrapshyldyqpen jasalǵan toılarǵa barmaıtynyn málim etti.

- Bizde keıbir sheneýnikter balasynyń toıyn bolsyn, óziniń toıyn bolsyn, «as ta tók» ysyrapshyldyqpen, dýmandatyp, baılyǵyn kórsetip ótkizip jatady. Bul qanshalyqtyń durys, etıkaǵa saı ma? Siz ózińiz ondaıdy qoldaısyz ba? Jalpy shaqyrtýlar bola ma? - dep surady jýrnalıst.

Palata basshysy ondaı ysyrapshyldyqqa qarsy ekenin aıtady.

- Ol durys emes dep oılaımyn. Durys emes. Ózim ondaıdy qoldamaımyn. Men ondaı toıǵa barmaımyn da. Ondaı artyqshylyqtardy qoldamaımyn, durys emes dep esepteımin, - dedi Álıhan Smaıylov.

Al Qyrǵyzstanda toı men jerleý rásiminde ysyrapshyldyq úshin aıyppul salynýy múmkin.