Іsine adal bıznesmenderdi tekserýdiń reti joq - Natalıa Korjova
Bul týraly QR Qarjy mınıstrliginiń jaýapty hatshysy Natalıa Korjova málim etti, dep habarlaıdy QazAqparat.
QR Ádilet mınıstrliginde ótken zań jobalyq qyzmetter máselesi boıynsha vedomstvoaralyq komıssııanyń otyrysynan keıingi brıfıngte tilshiler jaýapty hatshyǵa «atqaryp otyrǵan jumystary ashyq kompanııaǵa qatysty tekserýdi zańsyz dep sanaý kerek pe?» degen saýal qoıdy.
«Árıne, eger de kompanııa basshysy revızor kelgenin kórse, onda tekserýshiden ne úshin, qandaı maqsatpen kelgenin, negizdemeni talap etýge quqyly. Sondaı-aq shaǵym boıynsha kelgenniń ózinde, bul tekseristiń tirkeýden ótkizilýin suraǵany abzal. Barlyq sharalar reglamenttelgen jáne tirkeledi. Biz tekserýmen qamtyǵan kezde baqylaýshy organdardyń aldynda neni teksergenimizdi jáne qansha ret tekserý júrgizgenimizdi, bul sharalar qandaı negizde júrgizilgendigi jaıynda jaýap beremiz. Atap aıtqanda, osy jumystardyń barlyǵy qatań reglamenttelgen jáne kemshilikter qatań jazalanady», - dedi ol.
