Isınbaevaǵa Rıoda Reseı quramasynyń týyn ustaýdy usyndy
ASTANA. QazAqparat - Rıo-de-Janeırodaǵy Olımpıadaǵa qatysýǵa ruqsat berilmegen Elena Isınbaevaǵa Reseı quramasynyń týyn kóterýge usynys jasaldy, dep habarlady TASS.
Bıiktikke sekirý boıynsha eki dúrkin olımpıada chempıony Isınbaevanyń bapkeri Evgenıı Trofımovtyń sózine qaraǵanda, usynys búgin túnde jasalǵan. Ol muny sportshynyń qabyldaıtynyna kúmándanady. «Jarysty syrttan tamashalaý Elena úshin qıyn bolady», - dedi ol.
Olımpıada Rıo-de-Janeıroda 5 jáne 21 tamyz aralyǵynda ótedi.
