Ishtvan Bochkaı týrnıri: Úsh boksshymyz jarysty sátti bastady

ASTANA. KAZINFORM – Keshe Vengrııanyń Debretsen qalasynda bokstan halyqaralyq Ishtvan Bochkaı atyndaǵy týrnır bastaldy.

Jarystyń alǵashqy kúninde tórt qazaqstandyq boksshy sharshy alańǵa shyǵyp, onyń úsheýi kelesi aınalymǵa ótti.

Atap aıtar bolsaq, 60 kelidegi Beıbarys Jeksen mońǵolııalyq qarsylasyn, 63,5 kelidegi Ertýǵan Zeınýllınov pen 71 kelidegi Sabyrjan Aqqalyqov Vengrııa boksshylarynan basym tústi.

Ókinishke qaraı, 75 kelidegi Dıas Moljigitov qarsylasyna jol berdi.

Atalǵan halyqaralyq týrnırde negizinen jas bylǵary qolǵap sheberleri attanǵan bolatyn.

Olardyń qatarynda Ashat Júsipov (48 keli), Danııal Sábıt (51 keli), Kenje Muratuly (54 keli), Samat Jetibaev (54 keli), Asyljan Serikbaı (57 keli), Jeksen Beıbarys (60 keli), Ertýǵan Zeınýllınov (63,5 keli), Rahat Seıitjan (67 keli), Sabyrjan Aqqalyqov (71 keli), Dıas Moljigitov (75 keli), Erasyl Jaqpekov (80 keli), Temirlan Muqataev (86 keli), Danııar Rahymberdıev (92 keli) pen Damır Toıbaı (92 keliden joǵary) bar.

Esterińizge sala keteıik, ótken jyly qazaqstandyq boksshylar atalǵan týrnırden 9 medal oljalap qaıtty: 6 altyn, 3 qola. Osylaısha jalpy esepte el quramasy birinshi oryndy jeńip alǵan bolatyn.