Іshki týrızmdi damytý maqsatynda SQO joldary jóndeledi - Beıbit Atamqulov

NUR-SULTAN. QazAqparat – Búgin Úkimet otyrysynda QR Indýstrııa jáne ınfraqurylymdyq damý mınıstri Beıbit Atamqulov Soltústik Qazaqstan oblysyndaǵy 300-den astam eldi mekende joldar jóndeletinin aıtty, dep habarlaıdy QazAqparat tilshisi.

«Avtojol salasy salasynda 2025 jylǵa deıin keshendi jospar aıasynda jergilikti mańyzy bar 2 100 shaqyrym avtojol jóndeledi jáne rekonstrýktsııalanady. Júrgizilgen jóndeý jumystarynyń esebinen óńirdegi jergilikti mańyzy bar joldardyń 98 paıyzy jaqsy jáne qanaǵattanarlyq jaǵdaıǵa jetkiziletin bolady. Qabyldanǵan sharalar 350-den astam aýyldyq eldi mekenderdegi joldardy jóndeýge, sondaı-aq sý tasqyny maýsymynyń qaýpin boldyrmaýǵa (sý ótkizý qurylystaryn ornatý jáne kópirler salý) múmkindik beredi», - dedi mınıstr.

Onyń aıtýynsha, ishki týrızmdi damytý maqsatynda Imantaý-Shalqar kýrorttyq aımaǵyndaǵy avtomobıl joldary men kirme joldardyń qurylysy men jóndelýi josparlandy.

Aıta keteıik, búgin Úkimet otyrysynda QR Ulttyq ekonomıka mınıstri Áset Erǵalıev Soltústik Qazaqstan oblysynyń 2021-2025 jyldarǵa arnalǵan áleýmettik-ekonomıkalyq damýynyń keshendi josparyn tanystyrdy.

Premer-Mınıstr Asqar Mamın keshendi jospar óńirdiń ınfraqurylymyn jaqsartatynyn atap ótti.