Іshki táýelsiz baıqaýshylar saılaý úderisindegi buzýshylyqtardy eń birinshi bolyp anyqtaýy tıis - N.Erimbetov
ASTANA. QazAqparat - Іshki táýelsiz baıqaýshylar saılaý úderisindegi buzýshylyqtardy eń birinshi bolyp anyqtaýy tıis. Bul týraly búgin «Qazaqstan Respýblıkasyndaǵy saılaýlardy baqylaý jónindegi respýblıkalyq qoǵamdyq komıssııa» qoǵamdyq birlestiginiń tóraǵasy Nurlan Erimbetov aıtty.
«Men áriptesterime saılaý barysynda shynaıy ári qatań baqylaý jasap birinshi bolýymyz kerektigin aıtamyn. Jergilikti atqarýshy organdardyń is-qımylyn, saılaý komıssııalarynyń jumystaryn jiti baıqaýymyz kerek. Bul rette bizdiń qonaqtarymyz aldymyzdy orap ketpeýi tıis. Biz qojaıynbyz. Sondyqtan kemshilikterimizdi eń birinshi anyqtap, aıtýymyz qajet», - dedi ol BAQ ókilderine bergen suhbatynda.
Sonymen qatar birlestik tóraǵasy búgingi tańda saılaý komıssııasynyń jumysynda esh buzýshylyq tirkelmegendigin, kandıdattardan jáne olardyń ókilderinen esh shaǵym túspegenin basa aıtty.
