Іshki naryqty qorǵaý sharalaryn kúsheıtý qajet - AShM

ASTANA. QazAqparat - Elimizde ishki naryqty qorǵaý sharalaryn, sonyń ishinde baqylaýdy, kontrafaktilik jáne jalǵan, burmalanǵan azyq-túlik ónimderine qarsy sharalardy kúsheıtý qajet. Búgin Májilistegi Úkimet saǵatynda agroónerkásip keshenindegi sýbsıdııalaý júıesiniń tıimdiligin arttyrý máselesi boıynsha baıandama jasaǵan Aýyl sharýashylyǵy mınıstri Asyljan Mamytbekov osylaı málimdedi.

Mınıstrdiń paıymynsha, qazirgi tańda azyq-túlik baǵasyn shekteýlerdi alyp, tııanaqty túrde qaıta retteý qajettiligi týyndap otyr. «Biz qazir aýyl sharashylyǵy taýar óndirýshilerine túrli sebepterdi alǵa tartyp, baǵalardy bir deńgeıde ustap turýǵa májbúrlep otyrmyz. Bul naryqtyń ártúrliligine qaramastan solaı bolyp otyr, al sonymen bir mezgilde, ımportty da, saýda-sattyqty da retteı almaı otyrmyz.

Nátıjesinde, qus fabrıkalarynyń qaqpasynan ár danasy 10-12 teńgeden shyǵatyn jumyrtqa dúkenderde 20-25 teńgeden satylyp jatyr. Saýdadaǵy shekteýler 100 paıyzǵa deıin jetedi, al aýyl sharýashylyǵy taýaryn óndirýshiler buǵan bar eńbegin sarqı júrip, kóretin rentabeldiligi bir jumyrtqadan ary ketse bir teńge ǵana. Sondyqtan da, elimizde ishki naryqty qorǵaý sharalaryn kúsheıtý kerek, ásirese bular - kantrafaktilik jáne jalǵan, burmalanǵan azyq túlik taýarlaryna qarsy baqylaýdy kúsheıtý», - dedi mınıstr.

Onyń aıtýynsha, bul rette saýda úshin rentabeldilikti shekteýdiń qajeti shamaly. Alaıda, vedomstvo basshysy ónim men taýar óndirýshiden tutynýshyǵa deıingi aralyqta deldaldar sanyn qysqartý qajettigin alǵa tartty.

«Eger fabrıkadan óndirilgen taýardyń tutynýshyǵa jetkenge qansha qoldan tizbektelip ótetinin qarasaq, álgi 100 paıyz paıdany kimniń kórip otyrǵanyn da túsinbeımiz. Al olar salyq tólep jatyr ma? ıAǵnı, osy tusta salyqtyq mindettemeler esebinen, baqylaýdy kúsheıtýge tıispiz. Ekinshi jaǵynan fabrıka men zaýyttan tikeleı dúkenge qysqa jolmen jetkiziletin logıstıkalyq ınfraqurylymdy damytý kerek», - dedi A. Mamytbekov.