Іshki naryqty gazben qamtýǵa basymdyq beriledi - Bolat Aqsholaqov

ASTANA. QazAqparat – Taýarlyq gaz óndirý kólemi 21,1 mlrd tekshe metrge jetti. Bul týraly Úkimet otyrysynda QR Energetıka mınıstri Bolat Aqsholaqov aıtty, dep habarlaıdy QazAqparat tilshisi.

«Bıyl qańtar-qyrkúıekte gaz óndirý kólemi 39,4 mlrd tekshe metr gazdy qurady. Bul kórsetkish byltyrǵy tıisti kezeńge qaraǵanda 100,6 paıyz boldy. Taýarlyq gaz óndirý kólemi 21,1 mlrd tekshe metrge jetti, bul josparly kórsetkishten 6,6%-ǵa artyq. Taýarlyq gazdy ishki tutyný 12,7 mlrd tekshe metrdi qurady», - dedi B. Aqsholaqov.

Onyń aıtýynsha, gaz eksporty 4,6 mlrd tekshe metrge jetip, byltyrǵy sáıkes kezeńmen salystyrǵanda 66,7% boldy.

«Atap aıtqanda, eksporttan buryn ishki naryqty gazben qamtamasyz etý basymdyq berilip otyr. Іshki naryqqa suıytylǵan munaı gazyn óndirý kólemi 1,27 mln tonnany qurady», - dedi mınıstr.