Іshki naryqtaǵy shıkizatqa baǵalardy belgileýge baqylaý engiziledi

NUR-SULTAN. QazAqparat – Іshki naryqtaǵy shıkizatqa baǵalardy belgileýge baqylaý engiziledi. Bul týraly Úkimet otyrysynda QR Indýstrııa jáne ınfraqurylymdyq damý mınıstri Beıbit Atamqulov aıtty, dep habarlaıdy QazAqparat tilshisi.

«Otandyq ónerkásip úshin shıkizat taýarlarynyń baǵasy men kóleminiń qoljetimdiligi boıynsha eń aldymen ónerkásiptik saıasat týraly zań jobasyna ishki naryqtaǵy shıkizatqa baǵalardy belgileýge baqylaý engiziledi. Ekinshiden, London metaldar bırjasy baǵasynan dıskont usyný qaǵıdatymen el ishinde bırjalyq metaldarǵa baǵa belgileý mehanızmi qolǵa alynady. Ol shıkizatty qaıta óńdeý deńgeıine baılanysty bolady. ıAǵnı, qorytpalar nemese prokat óndirgende eń tómengi jeńildik beriledi. Al daıyn buıymdar óndirilgende eń joǵary jeńildik engiziledi», - dedi mınıstr.

Onyń atap ótýinshe, úshinshiden, qaıta óńdeýshiler men jańadan iske qosylatyn kásiporyndardyń qýattaryna qaraı ishki qaıta óńdeýge metaldar kólemin rezervteý engiziledi.

«Mınıstrlik jyl sońyna deıin osy mańyzdy mindettiń ońtaıly sheshiminiń nusqasyn ázirleıdi»,- dedi Beıbit Atamqulov.