Іshki naryqtaǵy kartop pen pııaz qory jetkilikti – QR AShM

NUR-SULTAN. QazAqparat – QR Aýyl sharýashylyǵy mınıstrliginiń málimdeýinshe qazaqstandyqtardy kartop, pııazben qamtýda tapshylyq joq, dep habarlaıdy QazAqparat tilshisi.

«Búginde ishki naryqtaǵy kartop pen pııaz qory jetkilikti. Másele joq. Elimizde aı saıynǵy qajettilik 25 myń tonna bolsa, 20 tamyzdaǵy jaǵdaı boıynsha pııaz qory 33 myń tonnany quraıdy. Sondaı-aq, qazir elimizde pııaz jınaý maýsymy bastaldy. Bıyl 1 mln tonnadan astam ónim alynady dep josparlanýda. Bul ishki suranysty kelesi maýsymǵa deıin tolyqtaı qamtı alady», - delingen atalǵan vedomstvonyń QazAqparat joldaǵan saýalǵa berilgen jaýapta.

Mınıstrlik usynǵan málimetke sáıkes qazir pııaz quny Jambyl oblysynda 60-80 teńge, al Túrkistan oblysynda 55-60 teńgege deıin tómendedi.

«Kartopqa kelsek. Іshki naryqtyń aılyq qajettiligi 152,6 myń tonna kóleminde bolsa, bıyl 20 tamyzdaǵy jaǵdaı boıynsha elimizde 155,2 myń tonna kartop qory bar. Boljam boıynsha osy jyly shamamen 4 mln tonna kartop jınalmaq. Onyń ishinde 2 mln tonna kartop tek uıymdastyrylǵan sharýashylyqtarǵa tıesili. Atalǵan kólem ishki naryq qajettiligin tolyq qamtı alady», - deıdi vedomstvodan.

Buǵan deıin habarlaǵanymyzdaı atalǵan vedomstvo kúzge qaraı elimizge qant jetkizý jaǵdaıy turaqtalyp, baǵanyń arzandaıtyndyǵyn boljap otyr.

Sondaı-aq, mınıstrlikten ákimdiktermen qant qyzylshasyn ósirý kólemin ulǵaıtý boıynsha jumys júrip jatqandyǵy aıtyldy.

Odan bólek, QR AShM qazaqstandyqtar tutynatyn azyq-túliktiń 80 paıyzy — otandyq ónim ekendigin habarlady.