Іshki naryqtaǵy astyq baǵasy kóterildi - AShM

ASTANA. QazAqparat - Іshki naryqtaǵy astyq baǵasy kóterildi. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR AShM Agroónerkásip keshenindegi memlekettik ınspektsııa komıtetiniń tóraǵasy Saqtash Qasenov málim etti.

«2014 jyly 3-shi surypty jumsaq bıdaıdyń ishki naryqtaǵy baǵasy tonnasyna 42 myń teńgeni qurady. Bul ótken jylǵy baǵamen salystyrǵanda birshama joǵary», - dedi ol.

Komıtet basshysynyń sózine qaraǵanda, 4-shi surypty bıdaıdyń tonnasy 36 myń, 5-shi surypty bıdaı 28 myń teńgeni quraıdy.

«Osylaısha astyq shyǵymy men sapasynyń tómendeý aǵymdaǵy jyly astyq baǵasynyń artýy esebinen óteletin bolady», - dedi S.Qasenov.