Іshki kóshi-qonnyń stıhııalyq qonys aýdarýlary eńbek rynogynyń qalpyn buzyp otyr - Ý. Qalıjan
ASTANA. Sáýirdiń 15-i. QazAqparat /Qanat Mámetqazyuly/ -Qazaqstannyń ishki kóshi-qonynyń stıhııalyq qonys aýdarýlary eńbek rynogynyń qalpyn buzyp otyr.
Búgin QR Parlamenti Májilisinde «Qazaqstannyń kóshi-qon zańnamasy: jetildirý joldary» taqyrybynda ótken dóńgelek ústel barysynda depýtat Ýálıhan Qalıjan osylaı málim etti, dep habarlaıdy QazAqparat.
«Máselen, elimizdiń keıbir óńirlerinde jumysshy kúshi artyǵymen bolsa, birqatar aımaqtarda bul jetispeıdi. Sonymen bir mezgilde, memlekettik úılestirý jumystarynyń jetimsizdiginen jáne áleýmettik qoldaýdyń tómendiginen ishki kóshi-qon áleýmettik máseleni ýshyqtyratyn toptardyń ósýine jol ashyp otyr. Buǵan Almaty túbindegi Shańyraq, Baqaı, Astana mańyndaǵy Qoıandy eldi mekenderdegi keleńsiz jaǵdaılar dálel bola alady. Sondyqtan da, ishki kóshi qondy zańmen retteý máselesi ózekti kúıinde tur», dedi depýtat.
Onyń aıtýynsha, eńbek resýrstaryn jumyldyrý baǵytyndaǵy aqparattyq taldaý men olardy úı-jaımen qamtamasyz etý máseleleri oılastyrylmaǵan. Bul áleýmettik jaǵynan qorǵalmaǵan toptar tarapynan ártúrli zań buzýshylyqtarǵa ıtermeleıtin áreketterge jol ashady.
